شعر ترکی ( ظولومکارلارا ) از استاد میرزا محمد بخشی شاعر ورزقانی
دونیادا ظالم لرین هـئچ بیـر کمـالین گؤرمـه‌دیـم
دائماً مغشوشدی حالی، خوش خیـالین گؤرمـه‌دیـم
آیریــــدور ملّــــت آراء، بیگانــــه‌دور انــــسانلارا
دونیالار آلت اُست اولا، بیـر اشـک آلـین گؤرمـه‌دیـم
***
دائمــاً زوردور ایــشی، آغــلار قویــان گــؤزلر بــودور
همـدم شـیطان اولـوب، انـسان وصـالین گؤرمـه‌دیـم
چال چاپ ائتماقدور خیالی، موندا یوخدور خوش‌صفت
فکـری مـال ییغماقـدی امّـا ایـده آلـین گؤرمـه‌دیـم
***
تُــفّ ائــدیب انــسانلیغا، بــاغلی اولــوب حیوانلیقــا
بیـر خبیـث طوبـادی بـو، بـارلی نهـالین گؤرمـه‌دیـم
دونیــالار اولــسا اونــون، امّــا گــؤزی اللــرده‌دی
دائمـاً افکـاری پوزغـون، دوغـری حـالین گؤرمـه‌دیـم
***
دوره‌سینده هر کس اولـسا، بیـل کـی دشـمندور اونـا
حتّـی بـونلان مهربـان، اهـل و عیـالین گؤرمـه‌دیـم
احتمــالی واردی بــئش گــون دونیــادا مغــرور اولا
عاقبت فانیدی بـدبخت، خـوش جمـالین گؤرمـه‌دیـم
***
کیم سـلام ائتـسه حقیقـی یـوخ، تمـام بـی مایـه‌دی
یوخدی اوندا خـوش خیـال، حـدّ وبـالین گؤرمـه‌دیـم
هامّیـدان تئـز محـو اولار، اولادی سـرگردان اسـیر
تئز قاچـار شـورباچیلار، جـاه و جلالـین گؤرمـه‌دیـم
***
یغــدیقی مالــدان اونــا، حتّــی کفــن اولمــاز نــصیب
پادشاهی بیکفن الدی، عجب مال و منالین گؤرمه‌دیم
چوخلارین گوردوق گلیـب مظلـوملارا ال آشـدیلار
اهل عیالی لـوت قالیـب، اگننـده شـالین گؤرمـه‌دیـم
***
دئیرم آی ظالم آییل، دونیـا گئچیـر، عـؤمرون گئـدیر
باشرف انـسانلارین، هـئچ قیـل و قـالین گؤرمـه‌دیـم
«بخـشی» سـن صـبر ائیلـه اَل وور حَبـل انـسانیّته
چونکه بـو بیـر رشـته‌دی، اصـلاً مثـالین گؤرمـه‌دیـم
سلام به همه دوستداران شعر و ادب 🌺