دوستلاردان گلایه

نــه قــدر واریـــدی اقتـــدار منـــده

چــــوخ عزیز دوتاردی ائللریم منیم

باغبان قـوجالاندی بولوت یاغمادی

بستاندا قـــورودی گوللریم منیم

طایفامیــزیــن شادلیغیدیم غمیدیم

دنـــیادا نـــمــــونــه دایی عمیدیــم

هامی دوستلاریماچوخ صمیمیدیم

ثابت ایله میشدی ایشلریم منیم

هایینا قاچاردیم سســی گلنیــن

یولداشیدیم آغلیــانین گوله نیـن

وکیلیــدیم بیــلمینین بیــله نیـــن

اصـــلا تیتره مـزدی دیزلریم منیم

یواش یواش کیچیک اولـــان یکلـدی

بیکار اولانـــلارین ایـــش الـــه گلدی

پوزلی ایگیت اولدی دؤندی اولندی

چیخارتدی یادیندان سوزلریم منیم

بیـــــری قــــــهر ائیلـــدی گلمــدی بیــزه

بیـــــری فـــــخر ســــاتدی من آلان میزه

مین جور ایراد تودی بیر چیچیک سؤزه

بـــــاشلاییب دانلادی دیللریم منیم

نیــه دیشیلــدین نـه گلدی سنــه

نیه اؤره ک ســــوزو دئمدین منه

شاید من ائدیدیم بیر علاج سنــه

گوردوم دشمن اولودی دیللریم منیم

دئدیم گــــل دانـــلامــــا اختیار گئدیب

یـــا بختیم یــــاتیبدور یـا زمان دؤنوب

عمر گئچیب دوستلار الفتین کسیب

آزالیپدور پــــــارتیم پـــــــوللاریم منیم

واللا همینـم کـــــامیلدور عقلیم

خیانت دانیشمــاز اصلا بو دیلیم

نقــدر واریــدی پــولــوم قلمیــم

اونونچون ســـــئورمیش ائللریم منیم

کیمـی گـوردون دانــــا یـــانـا چیراغــی

پاییز گــــلــــدی بــاغبان پوزدی بوباغی

(بخشی)شعرین یازیر اؤره کده داغی

گــؤز یاشیم اولوبدور سئللریم منیم