آ كشمش
نفرين بر محتكر
عــجــب وقـتــه يــئــتــديــن مـنـيـم داديما
قـــويـمــادين لـب تــشــنــه قـالام آ كشمش
كـهـنـه خـــرما داريـــشــمــيـشــدي جانيما
قـــاشـيـن‌مـاق قــويمـوردي يـاتام آ كشمش
قــنــد قــاچــاق اولـمـوشدي شيريني كيميا
كـــؤرپـه بــالام حــســرت قالميشدي چايا
از قضا بـــو يـــوخـلـوق دوشموشدي يايا
تــشــنــه‌لـب ايـشــلــردي بــالام آ كشمش
ايـكـي يـــوز تــومــانــا كـيـلـــوون آزدي
قنديميز اوچ يــوزي دورت يـوزي آشدي
توت قــوروسي خـــرمـا ميداندان قاشدي
گؤردون كه داي يوخدي خـرمام آ كشمش
گـــؤردون ايــش بئيله دي اولدون جلودار
خـــرمـاني كــيــشـله‌دين سن آشدين بازار
مــشــتــريه دئــديـــن گَــل آل ائـتـمه عار
بـاخـمــا چــورچــپــلييم تورشام آ كشمش
قــيــمـتـيـم ســـــوروشـمـا بـقـــّال گيزلدر
انـبــاردا ايــچــيـــمــــده مــور مــلخ گزر
اونـــدا گـــول بـالالار چــايـسيزدان اؤلر
مــن گــيــريـب انــباردا قالسام آ كشمش
گـــؤروم اؤلـــســـون مـحتكرين بالاسي
اوت دوتسـون انباري بــورجي قالاسي
عـــرشــه چـيخيب من فـقـيرين نالاسي
بــازاردا قـــنـــد تـــاپـمـام آلام آ كشمش
تــوپــراقين ويـتـامـين چورچوپون غذا
كــيـمـسـه‌نين حقـّـي يـــوخ دانــيشا آزا
«بخشي» هــرگاه سنه آز تعريف يازا
يـقـيـن بـيل ايـشـيـمده خـامام آ كشمش
سلام به همه دوستداران شعر و ادب 🌺