آي آقالار  كيمه دئيم  درديمي                     امتحانه چكير   زمانه   مني

غم غصه  چولقاييپ  ئورك يارالي                  محتاج ايلييپدي  درمانه  مني

دوست ياراسي دَييپ مين ملاليم وار        بير خميده قديم پوزغون حاليم وار

آيدين  ئورگيمده  خام خياليم وار                قول ائديپ چكديرير هر يانه مني

ظالم فلك وورور يارالار  منه                      حسرتله  باخيرام  گليپ  گئدنه

مجنون تك دوشورم دشته دمنه                  حيوانلار اوخشادير حيوانه مني

بيلمم كيمه دِئيم ئورك سُزومو                    بير زمان  آسوده  اِئديم  اُزومو

بلكه خاموش اِدَه يانان كُزومو                     كويلوم  آز  ايليه   ديوانه  مني

اشيدنلر عاجز گورمسين مني                 فرهاد تك چوخ يارديم داغي دَرَني

ناشي دوستلار ووردو منه ضربني                 بايقوش  تك  گتديلر افغانه مني

دوست داشيندان باغريم باشي يارالي          داش آتدي اُزوندن سالدي آرالي

حسرتله باخماخدان رنگيم سارالي              ساليپلار گؤرونمز طوفانه مني

ايستيرم درديمي خالقه يازام

عرض اِئدم قاپيندا دردلي،يورقونام

"بخشي"دِئيرخالق قويما چوخ يانام

يولچونام فرض اِئتمه بيگانه مني